ਸਾਨੂੰ ਸਦਾ ਰਵੇਗੀ ਭਟਕਣਾ,
ਸਾਡੀ ਸਾਰੀ ਉਮਰ ਉਦਾਸ ।
ਨਾ ਰੱਬ ਕਦੀ ਸਾਨੂੰ ਲੱਭਿਆ,
ਨਾ ਰੱਬ ਵਿੱਚ ਸਾਡਾ ਵਿਸ਼ਵਾਸ਼।
ਸਾਨੂੰ ਪਿਆਰ ਕਦੇ ਨਾ ਮਿਲਿਆ,
ਸਾਨੂੰ ਕੀ ਨਫ਼ਰਤ ਦੀ ਆਸ ।
ਸਾਡੇ ਸੁਪਨੇ ਦੁਨੀਆ ਮਾਰ ਦਿੱਤੇ,
ਅਸਾਂ ਜਿਉਂਦੀ ਹਾਂ ਬਸ ਲਾਸ਼ ।
ਇੱਕ ਚੇਹਰਾ ਵੇਖ ਕੇ ਦੋਸਤਾ,
ਸਾਡੇ ਦਿਲ ਚ ਪਏ ਅਹਿਸਾਸ ।
ਸਾਡੀ ਜਿੰਦ ਮੁੱਕਣ ਤੇ ਆ ਗਈ,
ਪਰ ਮੁੱਕਦੀ ਪਈ ਨਾ ਪਿਆਸ ।
ਤੇਰੇ ਹਿਜ਼ਰ ਹੱਡਾਂ ਨੂੰ ਖਾ ਲਿਆ,
ਤੇਰੀ ਯਾਦ ਨੇ ਚੂੰਡਿਆ ਮਾਸ ।
ਅੱਜ ਦੀਪ ਬੇਗਾਨਾ ਹੋ ਗਿਆ,
ਜੋ ਕੱਲ ਤੱਕ ਰਿਹਾ ਸੀ ਖ਼ਾਸ ।
ਸਾਨੂੰ ਸਦਾ ਰਵੇਗੀ ਭਟਕਣਾ .
ਦੀਪ ਮਾਨ
No comments:
Post a Comment